Bandeira de Artsakh
From Wikipedia, the free encyclopedia
A bandeira de Artsakh era un dos símbolos da República de Artsakh, un antigo estado separatista da rexión do sur do Cáucaso, independente de facto entre 1992 e 2023. O 2 de xuño de 1992, Artsakh adoptou unha bandeira derivada da bandeira de Armenia, á que se lle engadiu un patrón branco e escalonado que comeza nos dous bordos da bandeira e se atopa nun punto central a un terzo da distancia dende ese lado.[2] A república de Nagorno-Karabakh modificou o seu nome a República de Artsakh en 2017 logo dun referendo e mantivo a mesma bandeira. Despois da ofensiva acerbaixana do 19 de setembro de 2023, Artsakh acordou disolverse antes do 1 de xaneiro de 2024.[1]