![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e0/Basilius_Amerbach_coin_cabinet_Amerbach_Cabinet_HMB_1908-16_c6648.jpg/640px-Basilius_Amerbach_coin_cabinet_Amerbach_Cabinet_HMB_1908-16_c6648.jpg&w=640&q=50)
Coleccionismo de moedas
From Wikipedia, the free encyclopedia
O coleccionismo de moedas, asociado adoito ao doutros obxectos cuñados ou relacionados co diñeiro (medallas, fichas monetiformes, billetes etc.) é unha das afeccións máis populares e un dos coleccionismos máis coñecidos. Algunhas persoas coleccionan pensando unicamente no investimento numismático, mais a razón principal para coleccionar moedas é a propia satisfacción persoal. Aínda que o coleccionismo de moedas non se debe confundir coa numismática, para a boa clasificación, organización e valorización dunha colección cómpre posuír un certo grao de coñecemento numismático.[1][2]
![Thumb image](http://upload.wikimedia.org/wikipedia/commons/thumb/e/e0/Basilius_Amerbach_coin_cabinet_Amerbach_Cabinet_HMB_1908-16_c6648.jpg/640px-Basilius_Amerbach_coin_cabinet_Amerbach_Cabinet_HMB_1908-16_c6648.jpg)
Cada coleccionista ten as súas propias preferencias e especificidades, como poden ser as moedas en bos estados de conservación, as resultado de erros nas cecas, as que considere particularmente fermosas ou historicamente significativas etc.