Lista de escuderías campioas do mundo de Fórmula 1
artigo de listas da Wikimedia / From Wikipedia, the free encyclopedia
O Campionato do Mundo de Construtores de Fórmula 1 é outorgado pola Federación Internacional do Automóbil (FIA) á escudería de Fórmula 1 con máis éxito, que é determinada por un sistema de puntuación baseado no posto final dos seus pilotos nos Grandes Premios durante a tempada. O primeiro Campionato de Construtores foi disputado en 1958, e foi para Vanwall.
As diferentes combinacións de monopraza/motor son consideradas para competir no Campionato. Os puntos son calculados pola suma de tódolos pilotos dese construtor en tódalas carreiras. Até o Campionato de 1979 a meirande parte das tempadas viron como só contribuía o piloto con máis puntos en cada carreira.
O Campionato de Construtores concedeuse por primeira vez, como a Copa Internacional para Fabricantes de F1, en 1958 a Vanwall.[1] Dos 170 construtores que entraron nun Gran Premio de F1,[2] un total de 15 gañaron o Campionato nas súas 62 tempadas. Ferrari ten o récord de maior número de vitorias no Campionato do Mundo de Construtores, gañando o título en 16 ocasións. Williams está na segunda posición con nove campionatos de construtores e McLaren e Mercedes están na terceira posición con oito títulos.[3][4] Mercedes ten o récord de títulos de construtores consecutivos con sete entre as tempadas 2014 e 2020.[5]
Só cinco países teñen construtores gañadores: Reino Unido (33 campionatos con 10 construtores diferentes), Italia (16 con Ferrari), Alemaña (8 con Mercedes), Austria (4 con Red Bull) e Francia (3 con dous construtores). Con todo, todos os títulos austríacos, franceses e alemáns viron os coches gañadores deseñados e fabricados (agás Matra en 1969 e dirixidos por equipos con sede no Reino Unido.
Todos os títulos agás 17 gañárose por chasis deseñados e construídos no Reino Unido.[6] Só en dez ocasións un piloto da escudería gañadora non acadou o Campionato de Pilotos nesa tempada. [4] Entre os pilotos que contribuíron con polo menos un único punto ao título de construtores, Lewis Hamilton contribuíu ao máximo con oito títulos de construtores, consecutivamente con Mercedes, que é o actual campión.