Falange Española Tradicionalista y de las JONS
partido único da España franquista / From Wikipedia, the free encyclopedia
Falange Española Tradicionalista y de las Juntas de Ofensiva Nacional Sindicalista (FET y de las JONS, en galego: Falanxe Española Tradicionalista e das Xuntas de Ofensiva Nacional Sindicalista) era o nome do partido único da España franquista creado o 19 de abril de 1937, a iniciativa da xefatura do denominado Estado Nacional, por fusión dos distintos partidos e movementos que apoiaban a sublevación militar (denominada Alzamento Nacional) que iniciou a guerra civil española, e que non desapareceron realmente, senón que se articularon nas denominadas familias do franquismo.
FET y de las JONS | |
---|---|
Dirixentes e organización | |
Líder | Francisco Franco |
Mocidades | Frente de Juventudes |
Historia | |
Fundación | 19 de abril de 1937 |
Disolución | 7 de abril de 1977[1] |
Posicións políticas | |
Ideoloxía | Franquismo Falanxismo Nacionalismo español Nacional sindicalismo Nacional catolicismo Centralismo Unitarismo Conservadorismo Monarquismo Fascismo Anticomunismo Antimasonaría |
Posición política | Extrema dereita |
Outros datos | |
Sede | r/ Alcalá, 44, Madrid[2] |
Publicación | Arriba |
FET y de las JONS concibiuse como a rama política do denominado Movimiento Nacional, concepto máis amplo co que se definía ao complexo mecanismo totalitario de inspiración fascista que pretendía ser a única canle de participación na vida pública española. O seu discurso político expresaba tamén a mestura de elementos ideolóxicos e retóricos fascistas, ultranacionalistas, militaristas, tradicionalistas, conservadores, católicos (ou nacionalcatólicos), monárquicos etc.