Ard-vinishter y Reeriaght Unnaneysit
From Wikipedia, the free encyclopedia
She toshiagh reiltys y Reeriaght Unnaneysit eh ard-vinishter y Reeriaght Unnaneysit. Ta'n ard-vinishter cur coyrle da'n vonark er obbraghey chooid vie jeh'n chiart reeoil, stiurey Coonseil ny Shirveishee as reih ny shirveishee. She toshiagh y phartee smoo ayns Quaiyl Hostyn ta'n ard-vinishter chammah, as eh ny ee goaill shelloo er yn oik rere barrantys y thie s'inshley y oardail as t'eh ny ee soie myr oltey yn Pharlamaid.
Ard-vinishter y Reeriaght Unnaneysit | |
---|---|
Shellooder |
Rishi Sunak veih Jerrey Fouyir 25, 2022 |
Onnoragh | Y Feer Onnoragh |
Aarys | 10 Downing Street |
Pointit ec | monark y Reeriaght Unnaneysit |
Reillys | Reeriaght Unnaneysit |
Çheer | Reeriaght Unnaneysit |
Crooit | Averil 4, 1721 |
Ynnydeyree | Lhiass Ard-vinishter y Reeriaght Unnaneysit |
Rolley | rolley ard-vinishteryn y Reeriaght Unnaneysit |
Ynnyd-eggey | gov.uk… |
Cha nel oik yn ard-vinishter bunnit er slattys ny docamad bunraghtoil, agh er bun cadjinchliaghtey raad ta'n monark roie poinsheil myr ard-vinishter yn peiagh s'liklee barrantys y thie s'inshley y oardail;[1] dy cadjin, she toshiagh y phartee politickagh ny cochiangley parteeyn politickagh t'ayns shelloo yn earroo smoo jeh soiagyn 'sy çhamyr. V'eh fogrit ec yn Ard-vinishter Boris Johnson er 31 Jerrey Geuree 2022 dy beagh Oik yn Ard-vinishter currit er bun dy formoil.[2]
Ta'n ard-vinishter gobbraghey ex officio myr Ard-hiarn y Tashtee, Shirveishagh y Çhirveish Heayagh as y vinishter ta freggyrtagh son y çhickyrys ashoonagh. Ta cairyn ennagh bronnit er ard-vinishteryn, cha myr ard-vinishter agh myr yn ynnyd oc myr Ard-hiarn y Tashtee, goaill stiagh yn aarys oc ec 10 Downing Street. Ayns 2019, va oik Shirveishagh son yn Unnaneys currit er bun; she Boris Johnson va'n chied ard-vinishter yn enmys shen y ghoaill.[3]
Haink er Liz Truss dy ve ny Ard-vinishter er 6 Mean Fouyir 2022,[4] lurg hie ee ayns ynnyd Boris Johnson myr Toshiagh y Phartee Cumaadagh agh dirree ee magh ass oik yn Ard-vinishter as toshiagh y phartee lurg 50 laa ayns shelloo ny h-oikyn. Va Rishi Sunak reiht myr toshiagh y phartee ayns e ynnyd as haink er dy ve ny Ard-vinishter er 25 Jerrey Fouyir 2022.