Milla Jovovich
aghteyr Americaanagh / From Wikipedia, the free encyclopedia
She aghteyr, ard-chraishteyder, as arraneyder Americaanagh ee Milica Bogdanovna Jovovich (Serbish: Милица Богдановна Јововић; Rooshish: Милица Богдановна Йовович; Ookraanish: Милиця Богданівна Йовович; ruggit er 17 Nollick 1975), ta goll er enney dy keirdagh myr Milla Jovovich.[1]
Milla Jovovich | |
---|---|
Jovovich 'sy vlein 2019 | |
Ennym ruggyree | Милиця Богданівна Йовович |
Ruggit |
17 Mee ny Nollick 1975 (48 bleeaney d'eash) Kyiv, PHH yn Ookraan, yn Unnaneys Soveidjagh (yn Ookraan jiu) |
Seyraanaght |
Steatyn Unnaneysit America yn Ookraan |
Çhengey | Baarle · Rooshish · Ookraanish |
Keird | aghteyr scannane · craishteyder · arraneyder · aghteyr çhellveeish · craishteyder fassan · aghteyr goo · ard-ghienteyder · cloieder gitar · feelee · screeudeyr arrane · craishteyder fotografeeaght an-ghraagh |
Bleeantyn obbree | 1985–jiu |
Shaanrey | pop-chiaull · craa-chiaull çheerey · craa-chiaull chaghlaaee · craa-chiaull vog |
Greieyn | goo |
Lipaidyn | SBK Records (en) |
Jantys |
IMG Models The Society General Management (en) |
Daah sooillyn | gorrym |
Yrjid | 1.74 m |
Sheshey |
Shawn Andrews (en) (Jerrey Fouyir 2, 1992 - Jerrey Geuree 1, 1993) Luc Besson (en) (Mee ny Nollick 14, 1997 - Mean Souree 12, 1999) Paul W. S. Anderson (en) (Luanistyn 22, 2009 - |
Leggad |
John Frusciante (en) Anno Birkin (en) |
Paitçhyn | |
Ayr | Bogdan Jovovich |
Moir | Galina Jovovich |
Braaraghyn as shuyraghyn | |
Kianglaghyn fysseree as sheshoil | |
IMDb | nm0000170 |
Discogs ID | 111615 |
Models.com | milla-jovovich |
millajovovich | |
MillaJovovich | |
millaj.com |
Va Jovovich ruggit ayns Kyiv, PHH yn Ookraan, yn Unnaneys Soveidjagh, agh ren ish as e lught thie arraghey dys Lunnin tra v'ee queig bleeaney d'eash as, lurg shen, ren ad arraghey dys Sacramento, California; fy yerrey, ren ad arraghey dys Los Angeles shiaght mee ny s'anmey. Ayns 1987, tra v'ee 12 vleeaney d'eash, hoshee ee craishtey tra ren Herb Ritts jannoo fotograafyn jee son coodagh yn earishlioar Iddaalagh Lei.[2][3] Ren Richard Avedon cur ish ayns ny soilsheenyn "Most Unforgettable Women in the World" liorish Revlon.[4] Ayns 1988, ren Jovovich cloie da'n chied cheayrt er y scaailan 'sy scannane çhellveeish The Night Train to Kathmandu as ren ee cloie 'sy chied mooar-scannane eck, Two Moon Junction.
Hooar Jovovich enney mooar son e paart 'sy scannane romansagh Return to the Blue Lagoon (1991) er yn oyr nagh row ee agh 15 bleeaney d'eash.[5] T'eh er smooinaghtyn dy nee yn paart v'eck 'sy scannane jantys far-skeealagh sheanse Frangagh The Fifth Element (1997) liorish Luc Besson yn paart foshlee eck. Ren ee as Besson poosey ny s'anmey 'sy vlein shen, agh scarr ad voish y cheilley tammylt veg ny yei. Ren ee cloie y ben-eniagh as y martyr ayns The Messenger: The Story of Joan of Arc (1999) liorish Besson. Eddyr ny bleeantyn 2002 as 2016, ren Jovovich cloie Alice 'sy straih scannane atçhim jantys Resident Evil,[6] hie er ve yn straih scannane smoo berçhagh va bunnit er gammanyn-feeshan.[7]
Ren Jovovich skeaylley magh e chied albym, The Divine Comedy, ayns 1994, as e nah albym, The People Tree Sessions, ayns 1998. T'ee foast skeaylley magh prowallyn er yn ynnyd-eggey oikoil eck as dy mennick t'ee cur rish cassanyn-sheean scannane. Ayns 2003, ren ee as y craishteyder Carmen Hawk croo yn linney eaddeeyn Jovovich–Hawk, hie magh derrey 2008. She Creature Entertainment e colught gientyn hene eck.