Awtonomny wokrjes Chantow a Mansow
From Wikipedia, the free encyclopedia
Awtonomny wokrjes Chantow a Mansow (tež Jugra; rusce Ханты-Мансийский автономный округ/Chanty-Mansijskij awtonomnyj okrug) je awtonomny federaciski subjekt w aziskim dźělu Ruskeje. Leži wuchodnje Urala w Sibirskej při rěkomaj Ob a Irtyš a wobjimuje wulki dźěl Zapadosibirskeje nižiny. Awtonomny wokrjes je wjetši hač Francoska, ma pak mjenje wobydlerjow hač Mnichow. Jeho zarjadniske sydło je Chanty-Mansijsk z něhdźe 80.000 wobydlerjemi. Najwjetše města su Surgut (306.000 wobydlerjow), Nižnewartowsk (251.000) a Neftejugansk (122.000).
Ханты-Мансийский автономный округ – Югра | |
---|---|
wopon | chorhoj |
Zakładne daty | |
federaciski wokrjes | Ural |
stolica | Chanty-Mansijsk |
přestrjeń | 534.801 km² |
wobydlerstwo | 1.532.243 (14. okt 2010)[1] |
hustosć wobydlerstwa | 3 wob. na km² |
hamtske rěče | chantišćina, mansišćina, rušćina |
časowe pasmo | UTC+5 |
awtowa značka | 86, 186 |
webstrona | admhmao.ru |
Politika | |
guwerner | Natalja Komarowa |
Dla hoberskich łožišćow nafty słuša Awtonomny wokrjes Chantow a Mansow k najbohatšim regionam Ruskeje.
W lěće 2010 měješe Awtonomny wokrjes Chantow a Mansow 1.532.243 wobydlerjow. Z nich běchu 63,6 % Rusojo. Najwjetšej mjeńšinje stej tatarska (7,1 %) a ukrainska (6 %). Mjeno dawacej fino-ugriskej skupinje Chantow a Mansow wučinjatej jenož hišće 1,2 resp. 0,7 % ludnosće.