Kazachšćina
turkska rěč / From Wikipedia, the free encyclopedia
Kazachšćina (kazachsce қазақ тілі, қазақша/qazaq tili, qazaqşa) je altajska rěč, kotraž słuša k hałuzy turkskich rěčow a rěči so předewšěm w Kazachstanje, ale tež w susodnym Uzbekistanje a w zapadnej Chinje. Kazachšćina pisa so oficielnje z kyriliskim alfabetom, při čimž so wosebje w interneće tež łaćonska warianta wužiwa. Jeje zawjedźenje jako standard je planowane. Kazachojo w Chinje, Afghanistanje a Iranje wužiwaja hišće arabski alfabet, dokelž njeběchu wot rěčnych modifikacijow w sowjetskim času potrjecheni.
kraje | Kazachstan | |
rěčnicy | něhdźe 12 800 000 | |
znamjenja a klasifikacija | ||
---|---|---|
klasifikacija | Turkske rěče
| |
oficielny status | ||
hamtska rěč | Kazachstan | |
rěčne kody | ||
ISO 639-1: |
kk | |
ISO 639-2: |
kaz | |
ISO 639-3 (SIL): |
kaz | |
Wona je wusko přiwuzna z uzbekšćinu, turkmenšćinu a kirgišćinu.
W Kazachstanje je kazachšćina prěnja hamtska rěč a rěči so wot něhdźe 65 % wobydlerstwa. Druha zarjadniska rěč je rušćina, kotruž wjace hač 80 % ludnosće wobknježa. Cyłkownje ma kazachšćina něhdźe 12 milionow rěčnikow[1].