Biblioteka ti Estado ti Rusia
nailian a biblioteka ti Pederasion ti Rusia / From Wikipedia, the free encyclopedia
Ti Biblioteka ti Estado ti Rusia (Ruso: Российская государственная библиотека) ket ti nailian a biblioteka ti Rusia, a mabirukan idiay Moscow. Daytoy ti kadakeklan a biblioteka ti pagilian ken ti maikapat a kadakkelan iti lubong para kadagiti urnongna iti liblibro (17.5 a riwriw).[2] Daytoy ket nanaganan idi ti Estado a Biblioteka ni V. I. Lenin iti USSR manipud idi 1925 aginggana idi nanaganan manen idi 1992 a kas ti Biblioteka ti Estado ti Rusia.
Pannakabangon | 1862[1] |
---|---|
Lokasion | Moscow, Rusia |
Urnong | |
Kadakkel | 48,700,000 (2023) |
Dadduma pay a pakaammo | |
Direktor | Alexander I. Visly (Direktor-Heneral), Vladimir I. Gnezdilov (Direktor-Ehekutibo), Viktor V. Fiodorov (Presidente) [1] |
Website | http://www.rsl.ru/en |
Ti biblioteka ket addaan kadagiti sumurok a 275 km iti samang nga addaan kadagiti ad-adu ngem 43 a riwriw a banag,[1] a mairaman dagiti sumurok a 17 a riwriw a liblibro ken dagiti tomo ti serial, dagiti 13 a riwriw a warnakan, dagiti 350 rinibu a tokar ti musika ken dagiti rekord ti uni, 150,000 a mapmapa ken dadduma pay. Adda met dagiti banag dagiti 247 a pagsasao iti lubong, ti gangganaet a paset ket mangirepresenta ti agarup a 29 porsiento iti intero nga urnong.
Idi baetan ti 1922 ken 1991 adda met maysa a kopia iti tunggal maysa a libro a naipablaak idiay USSR ti naideposito idi iti biblioteka, ti panagsanay nga agtultuloy iti kapada a pamay-an tatta nga aldaw , ken ti biblioteka ket inkeddeng babaen ti linteg nga isu ti lugar nga agtengngel iti "managbalin" a kopia ti tunggal maysa a pablaak a naipablaak iti Rusia.