Hydnophytum
henero ti mulmula / From Wikipedia, the free encyclopedia
Ti Hydnophytum ket ti henero dagiti epipitiko a myrmecophyte (mulmula ti kuton) a patneng iti Abagatan a daya nga Asia, ti rehion ti Pasipiko ken sakupenna pay iti Queensland iti akin-amianan nga Australia. Naala ti naganmanipud iti Taga-ugma a Griego iti hydnon "tuber", ken phyton "mula", manipud kadagiti langada iti bimmussog a natubbog nga ungkay. Ti sebbangan ket agtubo kadagiti sanga ti kayo ken kadagiti puon. Kas ti maikabagian a henero ti Myrmecodia, ammo dagitoy a kas mulmula ti kuton.[1] Ti sebbangan-kita ket ti Hydnophytum formicarum manipud iti Filipinas. Thi henero ket aglaon kadagiti 55 a sebbangan, 44 kadagitoy ket mabirukan iti ken iti likmut ti isla ti Baro aGuinea. Adu kadagiti di ammo unay, ken 11 laeng ti ammo manipud iti holotipo.[2]
Hydnophytum | |
---|---|
Ti 1897 a pannakailadawan ti Myrmecodia platytyrea | |
Taksonomia | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Asterids |
Urnos: | Gentianales |
Pamilia: | Rubiaceae |
Subpamilia: | Rubioideae |
Tribu: | Psychotrieae |
Henero: | Hydnophytum Jack |
Dagiti sebbangan | |
Kitaen ti teksto | |
Kapada a nagan | |
|
Agpormada iti simbiotiko a pannakaikabagian kadagiti kuton. Mangited ti mula ti kuton kadagiti habitat para iti nangato a kolonia ti kuton habitat iti langit-langit ti bakir, a mangsalaknib kaniada kadagiti elemento ken dagiti mangsidsida gapu kadagiti siit. Lungog, dagiti nalamuyot a nadidingan nga usok ket maporma iti kaunegan ti caudex nga agraman kadagiti akinruar a pagserrekan nga abut, a mangited iti ngato ti daga a balay para kadagiti kolonia ti kuton. Mangited met dagiti kuton iti depensa para iti mula ken mangpawil ti pannakadadael ti kulanit, agpangen a mangsalaknib ti balayda no madisturbo.[1] Dagiti kolonia ti kuton ket mangited pay kadagiti taraon para kadagiti mula babaen ti panangibati kadagiti rugit iti kaunegan dagiti usok iti uneg ti caudex. Dagiti espesial a glandula a mangilinia kadagiti usok ket sagepsepenna dagiti taraon para iti mula. Daytoy a simbiosis ket mangpalubos nga agumnong dagiti mula kadagiti taraon (babaen dagiti kuton) manipud iti dakdakkel a lugar ngem ti mabalin a masakup dagiti ramut.
Mabalin a maimuyongan dagitoy a mula nga awanan dagiti sebbangan ti kuton.[1] Dagiti dua a sebbangan a masansan a maimuyongan ket ti Hydnophytum ferrugineum manipud iti Kabambantayan ti McIlwraith iti daya ti Coen iti Cape York Peninsula, ken ti H. moseleyanum, manipud pay iti Cape York. Ti immuna a naibaga ket addaan iti nasiitan a bimussog a puon bayat a ti naudi a naibaga ket addaan iti nalamuyot.[3]
Ti Hydnophytum ket maysa kadagiti lima a henero ti mula ti kuton iti pamilia ti Rubiaceae, dagiti sabali ket ti Anthorrhiza, Myrmecodia, Myrmephytum, ken Squamellaria.[2]