Rudyard Kipling
Inggles a mannaniw ken mannurat / From Wikipedia, the free encyclopedia
Ni Joseph Rudyard Kipling (/ˈrʌdjəd ˈkɪplɪŋ/ RUD-yəd KIP-ling; 30 Disiembre 1865 – 18 Enero 1936)[1] ket maysa idi nga Ingles a mannaniw, mannurat iti ababa a sarita, ken nobelista a naipangpangruna a nalaglagip para iti panagrambakna iti Britaniko nga imperialismo, iti sarsarita ken dandaniw dagiti Britaniko a soldado idiay India, ken dagiti sarsaritana para kadagiti ubbing. Ni Kipling ket nagunggunaan ti Premio Nobel iti Literatura idi 1907. Naipasngay isuna idiay Bombay, idiay Bombay a Presidensia iti Britaniko nga India, ken innala ti pamiliana idiay Inglatera idi isu ket agtawen ti lima.[2] Ni Kipling ket kalatakan a naam-ammuan kadagiti obrana iti piksion, a mairaman ti Ti Bakir a Libro (maysa nga urnong dagiti sarita a mairaman ti "Rikki-Tikki-Tavi"), Isu nga Kasta dagiti Sarita (1902) (1894), Kim (1901) (maysa asarita ti panagbanbaniaga), dagiti adu nga ababa a sarita, a mairaman ti "Ti Lallaki nga Isunto ti Ari" (1888);[3][4] ken dagiti dandanina, a mairaman ti Mandalay (1890), Gunga Din (1890), Ti Dagsen ti Puraw a Tao (1899) ken If— (1910). Isu ket naipanunutan a kas ti maysa a nagruna nga "agpabpabaro ti arte iti ababa a sarita";[5] dagiti librona para kadagiti ubbing ket naibturan a klasiko iti literatura dagiti ubbing; ken dagiti obrana ket ket naibagbaga nga agipakpakita ti "maysa nga adu ti aramatna ken naraniag a pakasaritaan a regalo".[6][7]
Rudyard Kipling | |
---|---|
Dagiti salaysay | |
Nayanak | Joseph Rudyard Kipling (1865-12-30)Disiembre 30, 1865 Bombay, Bombay a Presidensia, Britaniko nga India |
Natay | Enero 18, 1936(1936-01-18) (tawen 70) Middlesex nga Ospital, Londres, Inglatera |
Trabaho | Mannurat ti ababa a sarita, nobelista, mannaniw, agiwarwarnak |
Pakipagilian | Britaniko |
Kita | Ababa a sarita, nobela, literatura par akadagiti ubbing, daniw, panagbanniaga a literatura, piksion a siensia |
Kangrunaan nga ob-obra | Ti Bakir a Libro Isu nga Kasta dagiti Sarita Kim If— Gunga Din |
Kangrunaan a pammadayaw | Premio Nobel iti Literatura 1907 |