Cristiano Ronaldo
Portúgalskur knattspyrnumaður / From Wikipedia, the free encyclopedia
Cristiano Ronaldo (fullt nafn Cristiano Ronaldo dos Santos Aveiro, fæddur 5. febrúar 1985 á Funchal á Madeira-eyjum) er portúgalskur knattspyrnumaður sem spilar sem framherji fyrir sádíska liðið Al-Nassr.
Cristiano Ronaldo | ||
Upplýsingar | ||
---|---|---|
Fullt nafn | Cristiano Ronaldo dos Santos Aveiro | |
Fæðingardagur | 5. febrúar 1985 (1985-02-05) (39 ára) | |
Fæðingarstaður | Funchal, Madeira, Portúgal | |
Hæð | 1,86 m | |
Leikstaða | framherji/kantmaður | |
Núverandi lið | ||
Núverandi lið | Al-Nassr | |
Númer | 7 | |
Yngriflokkaferill | ||
1993–1995 1995–1997 1997–2002 |
CF Andorinha CD Nacional Sporting CP | |
Meistaraflokksferill1 | ||
Ár | Lið | Leikir (mörk) |
2002–2003 | Sporting CP | 25 (5) |
2003–2009 | Manchester United | 196 (84) |
2009–2018 | Real Madrid | 292 (311) |
2018-2021 | Juventus | 98 (81) |
2021-2022 | Manchester United | 40 (19) |
2023- | Al-Nassr | 41 (43) |
Landsliðsferill2 | ||
2002–2003 2003– |
Portúgal U-21 Portúgal |
2 (1) 206 (128) |
1 Leikir með meistaraflokkum og mörk |
Ronaldo hóf feril sinn hjá Sporting Lissabon en var síðan keyptur til Manchester United þar sem hann gerði garðinn frægan. Hann lék síðar með spænska liðinu Real Madrid og hinu ítalska Juventus. Hann var kjörinn knattspyrnumaður ársins af FIFA árið 2008, 2013, 2014 og 2016. Ennfremur hefur hann unnið 32 titla með félagsliðum og landsliðum.
Ronaldo hefur skorað um 900 mörk fyrir félagslið og landslið og er meðal markahæstu leikmanna allra tíma. Fjöldi spilaðra leikja er um 1.200. [1] Hann er sá fyrsti til að ná 50 mörkum sex sinnum í röð með félagi sínu, sá fyrsti til að ná 100 mörkum í Evrópukeppnum og er markahæstur í Meistaradeild Evrópu. Hann er markahæsti landsliðsmaður allra tíma.
Leikni Ronaldo með boltann er mikil og er hann með mestu jafnvígur á báða fætur og getur því spilað báðum megin á vellinum. Hann er þekktur fyrir skærin sem hann tekur með fótunum.