Droupadi Murmu
Forseti Indlands / From Wikipedia, the free encyclopedia
Droupadi Murmu (f. 20. júní 1958) er indversk stjórnmálakona sem er núverandi forseti Indlands. Hún er meðlimur í Bharatiya Janata-flokknum.[1] Hún er fyrsta manneskjan úr ættbálkasamfélagi Indlands sem nær kjöri til embættis forseta landins. Murmu var áður fylkisstjóri Jharkhand frá 2015 til 2021 og gegndi ýmsum embættum í ríkisstjórn Odisha frá 2000 til 2004.[2]
Droupadi Murmu | |
---|---|
Forseti Indlands | |
Núverandi | |
Tók við embætti 25. júlí 2022 | |
Forsætisráðherra | Narendra Modi |
Varaforseti | Venkaiah Naidu Jagdeep Dhankhar |
Forveri | Ram Nath Kovind |
Persónulegar upplýsingar | |
Fædd | 20. júní 1958 (1958-06-20) (65 ára) Uparbeda Mayurbhanj, Orissa, Indlandi |
Stjórnmálaflokkur | Bharatiya Janata-flokkurinn |
Maki | Shyam Chandra Murmu (g. 1976; d. 2014) |
Börn | 3 (2 látin) |
Háskóli | Rama Devi-kvennaháskólinn |
Áður en Murmu hóf feril í stjórnmálum var hún aðstoðarmaður í áveitu- og orkudeild ríkisins frá 1979 til 1983 og vann síðan sem kennari við Sri Aurobindo-menntunarmiðstöðina í Rairangpur til ársins 1997. Murmu var kjörin forseti Indlands í júlí árið 2022. Hún er fyrsti forseti landsins sem fæddist eftir sjálfstæði Indlands, fyrsti forsetinn úr ættbálkasamfélaginu og annar kvenforseti landsins.[2]