Avstraliya
From Wikipedia, the free encyclopedia
Avstraliya (inglisshe Australia), rásmiy Avstraliya Awqamı (inglisshe Commonwealth of Australia) — Qubla yarımsharda, atap aytqanda Avstraliya materigi, Tasmaniya atawı hám Hind okeanı menen Tınısh okeanınıń birneshe atawlarında jaylasqan mámleket. Maydanı boyınsha dúnyada altınshı orında turadı. Avstraliya pútin bir materikti tolıq iyelegen dúnyadaǵı jalǵız mámleket esaplanadı. Avstraliyanıń arqasında Shıǵıs Timor, Indoneziya hám Papua-Jańa Gvineya, arqa-shıǵısında bolsa Vanuatu, Jańa Kaledoniya hám Solomon Atawları, qubla-shıǵısında - Jańa Zelandiya jaylasqan. Paytaxtı - Kanberra qalası.