Ibaskiyen
From Wikipedia, the free encyclopedia
Ibaskiyen d imezdaɣen n Tmurt n Yibaskiyen, d yiwet n tama ay d-yuzgan ɣef yiri n yilel (lebḥer), ger n Fransa akk d Spenyul akk d yidurar n Pyrénées utrimen (iɣerbiyen). D nitni ay d imezdaɣ iqdimen akk n tmiwa-yagi yernu ttmeslayen yiwet n tutlayt, tabaskit, seg wakken d taqdimt, ar ass-a werɛad d-ufin yimassanen d acu n tutlayt nniḍen ay tt-icuban neɣ d acu n twacult n tutlayin i ɣer ara tt-qqnen. Tamurt n Yibaskiyen ass-a tebḍa ɣef sin yeḥricen. Yiwen weḥric, win n ugafa (nord), d Fransa ay t-iḥekmen u yuzga-d ugezdu n Pyrénées-Atlantiques, ma d aḥric nniḍen, win n wenẓul , d Spenyul ay t-iḥekmen yernu yebḍa ɣef snat n tmiwa (timettiyin timaniyin) : tin n Tmurt n Yibaskiyen, tamaneɣt-is d Vitoria, akk d tin n Navarra u tamaneɣt-is qqaren-as Pamplona. D acu kan, Ibaskiyen ara yessuturen acḥal d iseggasen aya ad awin azarug-nsen , ttwalin tamu rt-nsen d yiwet-is, agdud-nsen yeddukel, yernu smenyafayen ad semmin i yiman-nsen "Euskaldunak" u ad semmin i tmurt-nsen "Euskadi", ma d tutlayt-nsen, qqaren-as "Euskara".
Euskaldunak (s tbaskit) | |
---|---|
Leḥsab | |
c. 3 imelyan | |
Timnaḍin akked amur ameqqran n yimezdaɣen | |
Spenyul | 2,410,000[1][2] |
Fṛansa | 239,000[1] |
Iwunak Yedduklen | 57,793[3] |
Kanada | 6,965[4] |
Tutlayin | |
Tabaskit • Taspenyult • Tafransist | |
Ddin | |
Tamasiḥt (ladɣa Takatulit),[5] nniḍen |
Di Spenyul llan azal n 2.600.000 n Yibaskiyen di lweqt i deg di Fpansa llan kan 250.000. Azal n 700.000 n Yibaskiyen ay yettmeslayen tabaskit di Spenyul, di lweqt i deg di Fransa, 400.00 kan ay tt-yettmeslayen.
Ibaskiyen sɛan yiwet n tɣerma d taqdimt aṭas yernu mazal-itt tedder ar ass-a, u sɛan yiwet n tsekla tatlayt d tamerkantit maci d kra, cennun-tt-id kra akken n yimedyazen umi qqaren id "bertsolari". Ibaskiyen mazal diɣ ṭṭfen deg waṭas n wansayen, gar-asen takessawt n wakraren deg wedrar, addal n takurt tabaskit akk d wadag n yiceṭṭiḍen.