Apterygidae
From Wikipedia, the free encyclopedia
Kiwis yw ydhyn na yll neyja a'n kinda Apteryx ha'n teylu Apterygidae. Aga myns yw hevelep dhe yar gemmyn, ha kiwis yw an ydhyn lyha a bell na yll neyja.
Komparya kadonyow TDN re dhiskwedhas bos kiwis neskerens nessa dhe ydhyn olifans difeudhys a Madagaskar ages an moa, edhen aral na allsa neyja a Vordir Nowydh. Aswonnys yw pymp eghen, ha peder anedha yw renkys avel goliadow ha'n aral ogas-goliadow. Pub eghen yw nasys yn negydhek gans digoswiga, mes gwithys yn ta yw remenans aga bewvaow koswig avel parkow kenedhlek. A-lemmyn, godros moyha aga threusvewans yw preydhyans gans bronnviles estren.
Oy an kiwi yw an moyha yn kemusurel dhe vyns an korf (bys dhe 20% a boos an korf) a bub eghen a edhyn y'n bys. Kiwis a'n jeves pluvennow blewek, garrow kott ha tew, ha'n devnydh a'ga dewfrik rag diskudha preydh kyns i nevra dhe'n gweles. An gnasow ma re weresas an edhen dhe vos moyha-kerys yn keswlasek. Aswonnys yw avel arwodh a Vordir Nowydh.