Alanus Juppé
From Wikipedia, the free encyclopedia
Alanus Juppé[1] (natus die 15 Augusti 1945 Martiani Landarum) est vir publicus Francicus qui minister quinquies atque primus minister a die 17 Maii 1995 usque ad diem 2 Iunii 1997 meruit.
In litteris classicis aggregatus, alumnus est Scholae Normalis Superioris Parisiensis, Instituti Scientiarum Politicarum eiusdem urbis et Scholae Nationalis Administrationis Argentoratensis. Iacobo Chirac annis 1983-1995 magistro civium Parisiensium, Alanus Juppé eo adiunctus est. Annis 1984 - 1986 et mensibus Iunii - Octobris 1989 legatus est ad Parlamentum Europaeum, sed annis 1986, 1988 - 1993, 1997 - 2004 atque ab anno 2007 legatus conventui nationali. Ipse annis 1995-2004 et ab anno 2006 usque hodie est magister civium Burdigalensium. Annis 2002-2004 praeses fuit factionis cuius nomen est Unio pro Motu Populari.
A die 31 Martii 1993 ad 11 Maii 1995, primo ministro Eduardo Balladur, rursusque a 27 Februarii 2011 ad usque 16 Maii 2012, primo ministro Francisco Fillon, Juppé minister rerum externarum Franciae fuit. Insuper minister delegatus pro pecuniis annis 1986-1988, minister oecologiae breviter anno 2007, minister munitionis annis 2010-2011 meruit.