Hebrus
From Wikipedia, the free encyclopedia
Hebrus (Graece Ἕβρος, Bulgarice Марица Maritsa, Turcice Meriç) est Thraciae flumen in Rila monte nascens, per Pazardžik, Philippopolim, Hadrianopolim fluens, prope Alexandropolim in mare Aegaeum sese exonerans. Fabulantur poëtae Orphei caput in hunc fluvium proiectum fuisse, cum a Ciconum mulieribus fuisset discerptus.[1]
Vide etiam paginam discretivam: Hebrus (discretiva).
Vergilius haec de fine Orphei canit:
- spretae Ciconum quo munere matres
- inter sacra deum nocturnique orgia Bacchi
- discerptum latos iuvenem sparsere per agros.
- tum quoque marmorea caput a cervice revulsum
- gurgite cum medio portans Oeagrius Hebrus
- volveret, Eurydicen vox ipsa et frigida lingua,
- a miseram Eurydicen! anima fugiente vocabat:
- Eurydicen toto referebant flumine ripae.'[2]