Iosephus Ramos-Horta
From Wikipedia, the free encyclopedia
Iosephus Ramos-Horta (natus die 26 Decembris 1949) fuit praeses Timoriae Orientalis ab anno 2007 usque annum 2012, iterum ab anno 2022. Unus fuit ex hominibus, qui consociationem nationalisticam Timoriae Orientalis libertati dicatam nomine FRETILIN condiderunt. Anno 1996 praemium Nobelianum pacis accepit.
Patria: Timora Orientalis
Familia
Proles: Loro Horta
Patri Lusitano et matri Timoriensi natus est in urbe Dili. Iurisprudentiae et aliis rebus in Collegio Antiochiano, iurisprudentiae internationali Hagae, in Universitate Columbiae et in variis civitatibus studuit; fuit adsocius[1][2][3] anno 1978 Collegii S. Antonii apud Oxonienses. Tetumice, Lusitanice, Gallice, Anglice, Hispanice loquitur.
Pro salute populi Timoriensis peregrinabatur. Diplomatice etiam pro Timoriensium Orientalium libertate multos per annos egit, acerrime etiam vituperando rectiones primum Lusitanorum deinde Indonesiensium, qui populum Timoriae Orientalis in suam dicionem redegerant. Anno 2008 sclopeto Iosephus Ramos-Horta praeses civitatis suae, iam sui iuris, graviter vulneratus est, sed convaluit.