Libertas religionis
From Wikipedia, the free encyclopedia
Libertas religionis[1][2][3][4] sive libertas religiosa[5][6][7] aut cultūs,[4] , etiam libertas credendi[8][9][10] (sive licentia credendi[11]), est libertas religionis eligendae, deponendae, propagandae, exercendaeque. Ad iura humana igitur pertinet. Universa Iurum Humanorum Declaratio[12] et Conventio de Protectione Iurum Humanorum et Libertatum elementariorum[13] hanc libertatem protegent. Libertati religionis etiam optionem esse religionis omnino abnuendae (ut in atheismo et agnosticismo) subest; ea de causa in conventionibus de iuribus humanis non simpliciter de religione sed de religione vel fide/persuasione/cosmotheoria[14] tractatur, in linguis Nationum Unitarum ديانته أو عقيدته/religión o creencia/religion or belief/religion ou conviction(s)/религия или убеждения/宗教或信仰 (sic etiam in articulo 18 Iurum humanorum declarationis universalis).