Museum Nationale Anthropologiae (Mexicum)
From Wikipedia, the free encyclopedia
Museum Nationale Anthropologiae (Hispanice Museo Nacional de Antropología), nomine MNA imminuto notum, est museum nationale Mexici, maximum et frequentissimum museum in re publica constitutum. Aedificium, in regione inter Paseo de la Reforma et via Mahatma Gandhi intra Hortos Chapultepec Mexicopoli,[1] artifacta archaeologica et anthropologica magni momenti ex traditionibus Americae Septentrionalis praecolumbianae continet, insigniter Lapidem Solis (lapis calendricus Aztecanus appellatus) et statuam Xochipilli, in mythologia Aztecorum dei florum, artis, ludorum, pulchritudinis, saltationis, et carminum
Museum, cum multis aliis museis nationalibus regionalibusque Mexicanis, ab Instituto Nationale Antropologiae et Historiae (INAH) administratur. Unum erat ex nonnullis museis ab Adolpho López Mateos praeside Mexicani anno 1964 inauguratis.[3]
Opiniones de museo variant. Una dicit museum esse "thesaurum nationalem et symbolum identitatis, synthesin rei ideologicae, scientificae, politicae."[4][5] Octavius Paz museum reprehendit quia aula Mexica (Azteca) in medio posita est, dicens hunc locum "exaltationem et glorificationem Mexici-Temistitlanae Museum Anthropologiae in templum commutavisse."[6][7]