Nova Hibernia (insula)
From Wikipedia, the free encyclopedia
Nova Hibernia (lingua Tok Pisin Niu Ailan), sive Latangai, est magna insula in Papua Nova Guinea sita, cuius area est 7404 fere chiliometra quadrata, ab 120 000 hominum habitata.[1] Quae est maxima insulae Novae Hiberniae provinciae, ad boreo-orientem insulae Novae Britanniae iacens. Ambae insulae, partes Archipelagi Bismarckiani, ex Othone de Bismarck appellati, per Canalem Sancti Georgii separantur. Administrativa insulae et Novae Hiberniae provinciae sedes est Kavieng, oppidum ad septentrionalem insulae finem situm. Cum insula pars Novae Guineae Germanicae esset, Neumecklenburg ('Nova Megapolis') appellabatur.
Nova Hibernia a Mari Bismarckiano ad meridio-occidentem et ab Oceano Pacifico ad boreo-orientem circumdatur.[2]