Paryadres
Mons catena / From Wikipedia, the free encyclopedia
Paryadres[1] (Graece Παρυάδρης), sive Parihedri,[2] vulgo nunc Montes Anatoliae Septentrionales (Turcice Kuzey Anadolu Dağları),[3] sunt montes continui in septentrionali Turciae regione patentes, qui in Asia Minore secundum litus Ponti Euxini a flumine Iride ad flumen Akampsim extenduntur et mare a planitie montana Asiae Minoris separant. Pars Paryadrum ad orientem sita altior est; hic invenitur Kačkar, eorum cacumen altissimum (3937 metra). Hi montes etiam appellantur Parhar in Turcica et Graeca Pontica regionis linguis vel dialectis, quod vocabulum, ex certo vocabulo Hetthaeico 'altum' et 'cacumen' significans, derivatur.[4]