Saltus in longitudinem
From Wikipedia, the free encyclopedia
Saltus in longitudinem[1] sive saltus in longum[2][3] est e ludis gymnicis campestribus unus, quo athleta quam longissime salire conatur. In certaminibus hodiernis aemulatori licet se cursu concitare, ut longius salire possit. Quo celerius se commovet, eo longius salit; qua re cursores celerrimi, ut Carolus Lewis et Maria Jones, rem bene etiam in saltu gesserunt.
Saltu in longum in ludis Olympicis hodiernis inde a primis Olympiis anni 1896 certatur.