Silurium
From Wikipedia, the free encyclopedia
Silurium[1][2] est systema stratigraphicum et periodus geologica.
Divisio tertia ab infima constituit tam aerae Palaeozoicae quam aeonis Phanerozoicae. Abhinc 4 434 ± 15 centies milium annorum coepit, antecessore Ordovicio. Finem habuit abhinc 4 192 ± 32 centies milium annorum, successore Devonio, secundum scalam aevorum geologicorum Commissionis Internationalis Stratigraphicae.[3] Silurium inceptum ex antiquissimis fossilibus Parakidograpti acuminati et Akidograpti ascensi datur.[4]
In quattuor series dividitur, quae ab infima ad supremam Llandoverium, Wenlockium, Ludlowium, Pridolium appellantur. In octo stadia dividitur, quorum septem Rhuddanium, Aeronium, Telychium, Sheinwoodium, Homerium, Gorstium, Ludfordium appellantur, stadio octavo nullo modo a serie Pridolia differente.[5]
E Siluribus populo antiquo Cambriae appellatur. Nomen Anglicum Silurian system subdivisionesque Ludlow, Wenlock ... and Llandeilo formations, e stratis eiusdem regionis agnitae, primum anno 1835 a Roderico Murchison definitae sunt.[6][7]