Tan Malaka
Pajuang revolusi Indonesia / From Wikipedia, the free encyclopedia
Tan Malaka atau Ibrahim Datuak Tan Malaka (lahia di Nagari Pandan Gadang, Suliki Gunuang Ameh, Limo Puluah Koto, Hindia Balando, 2 Juni 1897 ā maningga di Desa Selopanggung, Kediri, Jawa Timur, 21 Februari 1949 pado umua 51 taun)[1] adolah tokoh pajuang kamardekaan Indonesia. Tan Malaka bajuang sacaro militan dan radikal, tanpa kompromi jo panjajah, sahinggo baliau dikana sabagai tokoh nan manganuik paham Mardeka 100 persen. Tan Malaka tasabuik pulo sabagai Bapak Republik Indonesia sarato pamimpin sosialis Asia.[2]
Tan Malaka | |
---|---|
Tan Malaka, portrait as published in his autobiography | |
Lahia | 2 Juni 1897 |
Maningga | 21 Februari 1949 (umua 51) |
Kabangsaan | Indonesia |
Alma mater | Rijks Kweekschool, Haarlem, Nagari Balando |
Karojo | Guru dan Pemimpin Partai Kominih Indonesia |
Dikana dek | - Pajuang revolusioner - Pahlawan Nasional Indonesia |
Urang tuo | Rasad Caniago (bapak) Sinah Simabua (mande) |
Tan Malaka adolah pamikia ideologis nan pamikirannyo banyak mainspirasi para pajuang kamardekaan. Bahkan Soekarno sato pulo maidolakan baliau ko. Buku Tan Malaka nan tamasahua tantang ideologi ko adolah Madilog, nan barisi pamikiran baliau tantang caro mambangun bangso Indonesia supayo lapeh dari panjajahan dan capek manjadi bangso nan maju. Tan Malaka adolah urang nan partamo marancang bantuak Indonesia mardeka, nan baliau tulih dalam buku Naar de Republiek Indonesia (Manuju Republik Indonesia) pado taun 1925.
Karano parjuangan Tan Malaka nan tanpa kompromi tu, baliau di kaja-kaja dek polisi Balando, Japang sarato Amerika jo Inggirih, sahinggo Tan Malaka banyak maabihan hiduik di pambuangan di nagari-nagari lain supayo indak tatangkok. Namun dari lua nagari tu Tan Malaka salalu bajuang jo caro nan lain. Karano jaso-jaso Tan Malaka nan gadang kapado bangso, pamarentah Indonesia maanugerahi baliau gala Pahlawan Nasional Indonesia.