Кадиски Залив
залив во Шпанија и Португалија / From Wikipedia, the free encyclopedia
Кадискиот Залив (шпански: Golfo de Cádiz) — залив на Атлантскиот Океан помеѓу ’ртот Света Марија (Cabo de Santa Maria), најјужната точка на копнена Португалија и ’ртот Трафалгар (Cabo Trafalgar) на западниот крај на Гибралтарскиот Проток. Во него истекуваат речни сообраќајници Гвадалкивир и Гвадијана, како и помалите реки Одиел, Тинто и Гвадалете. Наречен е по градот Кадис кој е сместен на неговиот брег.
Заливот е сместен во североисточниот дел на Атлантскиот Океан, во подрачјето 34° до 37°15' СГШ и 6° до 9°45' ЗГД.[1]