Кулоглу џамија
џамија во Охрид / From Wikipedia, the free encyclopedia
Кулоглу џамија (или Мехмед Челеби џамија) — стара османлиска џамија во градот Охрид. Му припаѓа на Охридското муфтиство на ИВЗ и прогласена е за културно наследство на Македонија.[1][2]
Кулоглу џамија | |
---|---|
Поглед на џамијата | |
Основни податоци | |
Место | Охрид, Македонија |
Координати | 41°7′10.8″N 20°47′22.5″E |
Припадност | сунитски ислам |
Архитектонски опис | |
Архитектонски тип | џамија |
Архитектонски стил | османлиски |
Завршен | XVIII век |
Особености | |
Минариња | 1 |
Прогласен за | културно наследство на Македонија |
Џамијата е сместена во маалото Кошишта, на стариот пат за Струга, денес улица „Гоце Делчев“.[1] Датира од XVIII век.[3]
Храмот има осумаголна основа со ќерамиден покрив на осум води. На северозападната страна во поново време е дограден двокатен трем. Минарето се наоѓа на западната страна, на преодот од молитвениот простор кон тремот. Во него се влегува од внатрешноста на џамијата. Самата џамија и минарето се изградени од необработен камен, потоа покриен со малтер. Осветлувањето е со прозорци поставени во три реда на секоја страна, освен на онаа кај михработ, влезот и минарето. Михработ, минберот и махвилот се нови. За украси се употребени профилирани обраби околу михрабната ниша и сликана декорација во куполата.[1]
Во дворот има надгробни плочи од XVI век, што укажува на постоењето на постар храм на ова место.[1]