Црква „Св. Никола“ - Стрезовце
црква во Стрезовце, Кумановско / From Wikipedia, the free encyclopedia
Св. Никола — православна црква во кумановското село Стрезовце, Општина Старо Нагоричане. Му припаѓа на Кумановско-кратовското архијерејско намесништво во Кумановско-осоговската епархија на МПЦ - ОА. Прогласена е за културно наследство на Македонија.[1]
Свети Никола | |
македонска православна црква | |
Епархија | Кумановско-осоговска |
Архијерејско намесништво | Кумановско-кратовско |
Парохија | Младонагоричка |
Местоположба | |
---|---|
Координати | 42°08′49″N 21°53′26″E |
Место | Стрезовце |
Општина | Старо Нагоричане |
Држава | Македонија |
Општи податоци | |
Покровител | Свети Никола |
Завршено | 1606 |
Архитектонски опис | |
Ова е гробишен храм, сместен во маалото Илиевци, на патот за маалото Велковци. Изграден е и живописан во 1606 г. со помош на презвитер Петар.[2][3] На натписот е спомнат и пеќскиот патријарх Јован Кантул.[3] Градбата претставува трикорабна базилика со трикорабна припрата со спуштен свод со димензии 22 × 10 м и двокатен покрив. На исток завршува со полукружна апсида. Изградена е врз поголеми темели од стара црква. Фрескописот е делумно зачуван и стилски ѝ припаѓа на Линотопската школа.[3] Во 2006 г. е забележано дека бил во лоша состојба.[3][4]