എ.ടി. കോവൂർ
From Wikipedia, the free encyclopedia
ഒരു ഇന്ത്യൻ പ്രൊഫസറും യുക്തിവാദിയുമായിരുന്നു എ.ടി. കോവൂർ എന്ന ഹ്രസ്വ നാമത്തിലറിയപ്പെട്ടിരുന്ന അബ്രഹാം തോമസ് കോവൂർ (ജീവിതകാലം: 10 ഏപ്രിൽ 1898 - സെപ്റ്റംബർ 18, 1978). ഔദ്യോഗികജീവിതത്തിൽനിന്ന് വിരമിച്ചതിനുശേഷം ഇന്ത്യയിലെയും ശ്രീലങ്കയിലെയും വിവിധ മനുഷ്യ ദൈവങ്ങൾ, അസ്വാഭാവിക പ്രതിഭാസങ്ങൾ എന്നിവയുടെ തട്ടിപ്പുകൾ തുറന്നുകാട്ടുന്ന പ്രചാരണത്തിലൂടെ അദ്ദേഹം പ്രാധാന്യം നേടി. ആത്മീയ തട്ടിപ്പുകളെയും സംഘടിത മതങ്ങളെയും കുറിച്ചുള്ള അദ്ദേഹത്തിന്റെ നേരിട്ടുള്ളതും, കടുത്തതുമായ വിമർശനങ്ങൾ ശ്രോതാക്കൾ അത്യാവേശത്തോടെ സ്വീകരിക്കുകയും പ്രത്യേകിച്ച് ശ്രീലങ്കയിലും ഇന്ത്യയിലും യുക്തിവാദി പ്രസ്ഥാനത്തിൽ ഇത് ഒരു പുതിയ ഊർജ്ജം പകരുകയും ചെയ്തു.[1]