നോർതേൺ മറിയാന ദ്വീപുകൾ
From Wikipedia, the free encyclopedia
ഔദ്യോഗികമായി കോമൺവെൽത്ത് ഓഫ് നോർതേൺ മറിയാന ഐലന്റ്സ് (സി.എൻ.എം.ഐ.) എന്നറിയപ്പെടുന്ന നോർതേൺ മറിയാന ദ്വീപുകൾ, അമേരിക്കൻ ഐക്യനാടുകളുടെ കീഴിലുള്ള രണ്ട് കോമൺവെൽത്ത് ഇൻസുലാർ പ്രദേശങ്ങളിൽ ഒന്നാണ് (പോർട്ടോ റിക്കോയാണ് മറ്റൊന്ന്). ഇൻകോർപ്പറേറ്റ് ചെയ്യപ്പെടാത്തതും സംഘടിതമായതുമായ പ്രദേശങ്ങളായാണ് ഇവയെ രണ്ടും കരുതിപ്പോരുന്നത്.
കോമൺവെൽത്ത് ഓഫ് ദി നോർതേൺ മരിയാന ഐലന്റ്സ് സൻകാട്ടൻ സിഹ നാ ഐലാസ് മരിയാനാസ് | |
---|---|
ദേശീയ ഗാനം: ഗി ടാലോ ഗി ഹാലോം ടസി (ചമോറോ) സാറ്റിൽ മറ്റാവൽ പസിഫിക്കോ (കരോലീനിയൻ) | |
തലസ്ഥാനം | സായ്പാൻ |
ഔദ്യോഗിക ഭാഷകൾ | ഇംഗ്ലീഷ്, ചമോറോ, കരോലീനിയൻ |
നിവാസികളുടെ പേര് | നോർതേൺ മറിയാന ഐലന്റർ[1] |
ഭരണസമ്പ്രദായം | പ്രസിഡൻഷ്യൽ ഡെമോക്രസി |
• അമേരിക്കൻ പ്രസിഡന്റ് | ബറാക് ഒബാമ[2] |
• ഗവർണർ | ബെനീഞോ ആർ. ഫിറ്റിയാൽ |
• ലെഫ്റ്റനന്റ് ഗവർണർ | എലോയ് എസ്. ഇനോസ് |
• അമേരിക്കൻ കോൺഗ്രസിലെ പ്രതിനിധി | ഗ്രിഗോറിയോ സാബ്ലാൻ |
നിയമനിർമ്മാണസഭ | കോമൺവെൽത്ത് ജനപ്രാതിനിദ്ധ്യസഭ |
• ഉപരിസഭ | സെനറ്റ് |
• അധോസഭ | ഹൗസ് ഓഫ് റെപ്രസന്റേറ്റീവ്സ് |
കോമൺവെൽത്ത് (അമേരിക്കൻ ഐക്യനാടുകളുടെ കീഴിൽ) അമേരിക്കൻ ഐക്യനാടുകളുമായി സഖ്യത്തിൽ | |
• കോവനന്റ് | 1975 |
• കോമൺവെൽത്ത് സ്ഥാനം | 1978 |
• ട്രസ്റ്റി ഭരണത്തിന്റെ അവസാനം | 1986 |
• ആകെ വിസ്തീർണ്ണം | 463.63 km2 (179.01 sq mi) (195-ആമത്) |
• ജലം (%) | തുച്ഛം |
• 2007 estimate | 77,000 (198-ആമത്) |
• 2010 census | 53,883 |
• ജനസാന്ദ്രത | 168/km2 (435.1/sq mi) (69-ആമത്) |
നാണയവ്യവസ്ഥ | അമേരിക്കൻ ഡോളർ (USD) |
സമയമേഖല | UTC+10 |
കോളിംഗ് കോഡ് | +1-670 |
ഇൻ്റർനെറ്റ് ഡൊമൈൻ | .mp |
പസഫിക് മഹാസമുദ്രത്തിന്റെ തന്ത്രപ്രാധാന്യമുള്ള പടിഞ്ഞാറൻ ഭാഗത്താണ് ഇവയുടെ സ്ഥാനം. 15 ദ്വീപുകളാണ് ഈ ദ്വീപസമൂഹത്തിലുള്ളത്. 463.63 ചതുരശ്ര കിലോമീറ്ററാണ് മൊത്തം വിസ്തൃതി. 2010-ലെ സെൻസസ് പ്രകാരം ഇവിടുത്തെ ജനസംഖ്യ 53,883 ആണ്. [3] ജനസംഖ്യയുടെ 90 ശതമാനത്തിലധികവും സായിപാൻ ദ്വീപിലാണ് താമസിക്കുന്നത്. മറ്റ് പതിനഞ്ച് ദ്വീപുകളിൽ ടിനിയൻ, ടോട്ട എന്ന ദ്വീപുകളിൽ മാത്രമേ ജനവാസമുള്ളൂ.
കോമൺവെൽത്തിലെ ഭരണകൂടത്തിന്റെ ആസ്ഥാനം കാപ്പിറ്റൽ ഹിൽ എന്ന ഗ്രാമമാണ്. സായ്പാൻ ദ്വീപിലാണിത്. ദ്വീപ് ഒരൊറ്റ മുനിസിപ്പാലിറ്റിയായതുകാരണം മിക്ക പ്രസിദ്ധീകരണങ്ങളും സായ്പാനാണ് ദ്വീപിന്റെ തലസ്ഥാനം എന്നാണ് പറയാറ്. 2012 ഏപ്രിലിൽ കോമൺവെൽത്തിലെ പെൻഷൻ ഫണ്ട് പാപ്പരായതായി പ്രഖ്യാപിച്ചു. 2014-ൽ ഫണ്ടിലെ പണം തീർന്നുപോകുമായിരുന്നുവത്രേ.[4]