വാനി
From Wikipedia, the free encyclopedia
പടിഞ്ഞാറൻ ജോർജ്ജിയയിലെ ഇമെറെതി പ്രവിശ്യയിലെ ഒരു പട്ടണമാണ് വാനി - Vani (Georgian: ვანი).[1] റിയോണി നദിയുടെ പോഷക നദിയായ സുലോറി നദിക്ക് സമീപമാണ് ഈ പട്ടണം സ്ഥിതിചെയ്യുന്നത്. ഇമെറെതി പ്രവിശ്യയുടെ തലസ്ഥാന നഗരമായ കുറ്റെയ്സിയിൽ നിന്ന് തെക്കുപടിഞ്ഞാർ വശത്തായി 41 കിലോ മീറ്റർ ദൂരത്തായാണ് ഈ പട്ടണം നിലനിൽക്കുന്നത്. 2014 സെൻസസ് പ്രകാരം ഈ പട്ടണത്തിലെ ആകെ ജനസംഖ്യ 3,744 ആണ്. 40 അയൽ ഗ്രാമങ്ങൾ അടങ്ങുന്ന വാനി നഗരസഭയുടെ ഭരണ സിരാകേന്ദ്രമാണ് ഈ പട്ടണം. 2014ലെ കണക്കുപ്രകാരം, മൊത്തം 557 ചതുരശ്ര കിലോമീറ്റർ പ്രദേശത്തായി 24,512 പേരാണ് ഈ നഗരസഭാ പരിധിയിൽ വസിക്കുന്നത്. 2007 ഒക്ടോബർ 24ന് ഈ പട്ടണം യുനെസ്കോയുടെ ലോക പൈതൃകപട്ടികയിൽ സ്ഥാനം പിടിച്ചിട്ടുണ്ട്.[2]