Christoph Bernhard von Galen
From Wikipedia, the free encyclopedia
Christoph Bernhard Freiherr von Galen (meestal Bernard van Galen, bienaams: Bomnbearnd, Bearndje de Koodeef) (Drensteinfurt, 12 oktober 1606 – Ahaus, 19 september 1678), seend 1650 bisskop van Meunster en in 1663 abt van Corvey, was nen bekeandn Duutsen kriegskearl den't twee moal Neerlaand invöl; in 1665 en in 1672. Al t laand tusken n Achterhook en de Dollard heurdn um, behalve de groafskopn Lingen en Beantem, dee't bie de reppubliek heurdn. Van Galen was nen absoluten eankelhearser, den't de macht indamn dee van de geeldes en van Meunster, wat gearne bie de Hanzesteadn ansleut. Hee kreeg t ook vuur mekoar um de Zweedse Hessiese en Hollaandse bezetting t laand oet te woarkn. Hee wör bekeand met zinnen bienaam Bomn Bearnd umdet he Grolle, Breevoort, Coevern en Grönningen beleagern. Hee maken zik in zien bisdom stoark vuur de Kontrareformasie, en zatn zik in vuur de oarme leu en verbettering van t oonderwies.