Attikí
From Wikipedia, the free encyclopedia
Attikí (gresk Αττική), òg kalla Attika, er ein av tretten periferiar i Hellas og inneheld Aten, hovudstaden i landet. Attikí omfattar dei tidlegare prefektura Aten, Pireus, Vest-Attikí og Aust-Attikí.
Attikí Περιφέρεια Αττικής | |
---|---|
Land: | Hellas |
Hovudstad: | Aten |
Periferieiningar: | Sentral-Aten Nord-Aten Vest-Aten Sør-Aten Pireus Øyane Vest-Attikí Aust-Attikí |
Folketal: | 3 814 064 (2021[1]) |
Areal: | 3 808 km² |
Folketettleik: | 1 002 /km² |
Heimeside: | www.attiki.gov.gr |
Attikí ligg sør i Hellas og har eit areal på 3 808 km². I tillegg til Aten ligg byane Pireus, Elevsína, Mégara, Lávrio og Marathónas (Marathon) i Attikí. Attikí omfattar òg ein liten del av halvøya Peloponnes og øyane Salamína, Angístri, Éjina, Póros, Ýdra, Spétses, Kýthira og Andikýthira. Oppunder 4 millionar menneske bur i periferien, og meir enn 95 % av dei bur i storbyområdet til Aten.
Attikí var tidlegare ein del av periferien Sentral-Hellas, men vart skild ut som eigen periferi i 1987. Han grensar mot Sentral-Hellas i nord og mot Peloponnes i vest og sør.