Cantabria
From Wikipedia, the free encyclopedia
Cantabria er ein provins og autonom region på nordkysten av Spania med Santander som regionshovudstad. Han grensar i aust til regionen Baskarland, i sør til Castilla y León, i vest til fyrstedømet Asturias og i nord til Biscayabukta.
Cantabria | |||
region | |||
|
|||
Land | Spania | ||
---|---|---|---|
Hovudstad | Santander | ||
Areal | 5 321 km² | ||
Type | Autonom region | ||
Folketal | 584 507 (2021)[1] | ||
Postnummer | S | ||
Cantabria 43.333333333333°N 4°W / 43.333333333333; -4 | |||
Wikimedia Commons: Cantabria | |||
Cantabria er ein del av Grøne Spania, eit område som ligg mellom Biscayabukta og Dei kantabriske fjella. Det vert kalla grønt fordi det har eit vått, moderat kystklima og er sterkt påverka av Atlanterhavet. I løpet av eit år kjem det normalt kring 1200 mm nedbør her og vegetasjonen er derfor frodig.
Cantabria er ein av dei stadane i verda med flest arkeologiske funn frå øvre steinalder. Her finst mellom anna grottemåleri i Altamira datert til år 16 000 til 9000 f.Kr. I lag med ni andre kantabriske grotter er dei ein del av verdsarvlista til UNESCO.
Den moderne provinsen Cantabria vart grunnlagd 28. juli 1778.