Junior Eurovision Song Contest 2014
From Wikipedia, the free encyclopedia
Junior Eurovision Song Contest 2014 (JESC 2014) var den 12. gongen Junior Eurovision Song Contest vart arrangert. Tevlinga vart halden i Malta Shipbuilding i Marsa på Malta.[1] Finalen fann stad 15. november 2014.[1] Dette var fyrste gongen Malta arrangerte tevlinga og tredje gongen at vinnarlandet arrangerte tevlinga året etter.[1]
Junior Eurovision Song Contest 2014 | ||||
---|---|---|---|---|
#Together | ||||
Dato | ||||
Finalen | 15. november 2014 | |||
Vertskap | ||||
Stad | Malta Shipbuilding i Marsa på Malta | |||
Programleiar | Moira Delia | |||
Kringkastar | Public Broadcasting Services Limited | |||
Deltakarar | ||||
Deltakarland | 16 | |||
Debuterte | Italia Montenegro Slovenia | |||
Attende | Bulgaria Kroatia Kypros Serbia | |||
Trekte seg | Aserbajdsjan Makedonia Moldova | |||
Kart | ||||
Vinnar | ||||
Land | Italia | |||
Song | «Tu primo grande amore» | |||
Artist | Vincenzo Cantiello | |||
Junior Eurovision Song Contest | ||||
|
16 land deltok i tevlinga. Italia, Montenegro og Slovenia debuterte i tevlinga.[2][3][4][5] Fire land annonserte at dei ville kome attende til tevlinga; Kroatia etter ein sju år lang pause, Kypros som sist deltok i 2009, Serbia og Bulgaria etter høvesvis tre og to års pause.[6][7][8][9]
Italia vann tevlinga med songen «Tu primo grande amore» sungen av Vincenzo Cantiello. Dette var andre gongen i Junior Eurovision Song Contests historie at eit land som debuterte vann tevlinga same året. Fyrste gongen var i 2003, då Kroatia vann tevlinga.