Podocarpaceae
From Wikipedia, the free encyclopedia
Podocarpaceae,[1] på norsk også kjend som gultrefamilien[2] eller podokarpfamilien,[3][4] er ein biologisk familie av bartre. Trea i familien veks hovudsakleg på den sørlege halvkula. Han omfattar 170-200 nolevande artar fordelt på 17-19 slekter. Familien er utprega sørleg med sentrum i blant anna Ny-Caledonia, Tasmania, New Zealand, Søraust-Asia og Sør-Amerika. Slektene Podocarpus og den endemiske Afrocarpus finst òg i det sørlege Afrika. Podocarpus-artar òg finst så langt nord som sørlege Japan og Kina i Asia og Mexico i Amerika, medan Nageia finst i Sør-Kina og Sør-India.
Podocarpaceae | |
Systematikk | |
Rike: | Planteriket Plantae |
Rekkje: | Nakenfrøingar Gymnospermae |
Klasse: | Coniferae |
Familie: | Podocarpaceae Endl., 1847 |
Arten Parasitaxus usta er unik som det einaste parasittiske bartreet i verda. Det er parasittisk på eit anna medlem av gultrefamilien, nemleg Falcatifolium taxoides på Ny-Caledonia.[5]
Slekta Phyllocladus, som gjerne blir rekna til familien, blir av enkelte forskarar plassert som ein eigen familie – Phyllocladaceae.[6]