Spansk geografi
From Wikipedia, the free encyclopedia
Spania ligg sørvest i Europa og dekkjer om lag 84 % av Pyrenéhalvøya. Det totale arealet er 504 782 km² der 499 542 km² er land og 5 240 km² er vatn.[1]
Spansk geografi | ||
Topografisk kart over Spania | ||
Kart over Spania | ||
Plassering | ||
---|---|---|
Land | Spania | |
Koordinatar | 40°N 4°W | |
Totale landegrenser | 1 917,8 km | |
Grenseland | Portugal (1214 km), Frankrike (623 km), Andorra (63,7 km), Marokko (Melilla) (9,6 km), Marokko (Ceuta) (6,3 km), Gibraltar (1,2 km) | |
Geografi | ||
Areal - totalt: - land: - vatn: |
504 782 km² 98,96 % km² 1,04 % km² | |
Kystlinje | 4 964 km | |
Høgder - høgaste punkt: - lågaste punkt: |
Teide (Kanariøyane) 3718 moh Mulhacén (Den iberiske halvøya) 3477 moh Atlanterhavet, Middelhavet 0 moh | |
Lengste elv | Tajo 1038 km | |
Største innsjø | Lago de Sanabria | |
Maritime krav | ||
Kontinentalsokkel | 24 nautiske mil (44 km) | |
Økonomisk sone | 200 nautiske mil (370 km) (gjeld berre i Atlanterhavet) | |
Territorialfarvatn | 12 nautiske mil (22 km) | |
Arealbruk | ||
Dyrkbar mark | 30 % | |
Permanente avlingar | 9 % | |
Permanente beitemarker | 21 % | |
Skogområde | 32 % | |
Anna | 8 % | |
Irrigert land | 34 530 km² | |
Naturressursar | ||
kol, brunkol, jernmalm, uran, kvikksølv, svovelkis, flusspat, gips, sink, bly, wolfram, kopar, kaolin, potoske, vasskraft, dyrkbar mark. | ||
Naturfarar | ||
periodisk tørke, skogbrann | ||
Miljøproblem | ||
Forureining av Middelhavet på grunn av ureinsa kloakk og utslepp frå olje- og gassproduksjon. Dårleg vasskvalitet og mangel på drikkevatn. Luftforureining. Avskoging. Ørkenspreiing |
Av grensene til Spania er 4 964 km (88 %) vatn og 1917,8 km land (12 %).[1] Det kantabriske havet (Biscayabukta) ligg i nord, Middelhavet og Det baleariske havet ligg i aust og søraust, Portugal og Nord-Atlanteren i vest og Frankrike og Andorra i nordaust langs Pyreneane. Middelhavskysten er 1660 km lang og atlanterhavskysten 710 km. Pyrenane er ei fjellkjede som strekkjer seg 435 km frå Middelhavet til Biscayabukta. Heilt sør i Spania ligg Gibraltarsundet, som skil Spania og resten av Europa frå Marokko i Nord-Afrika. På det smalaste er sundet mellom Spania og Marokko berre 13 km.
Bortsett frå på Den iberiske halvøya finst det fleire spanske området: Balearane, ei øygruppe i Middelhavet, Kanariøyane i sørvest, 108 km vest for Nord-Afrika og fem plazas de soberania, området som Spania har suverenitet over på og utanfor kysten av Marokko: Ceuta, Melilla, Islas Chafarinas, Peñón de Alhucemas og Peñón de Vélez de la Gomera.