Isla de Re
From Wikipedia, the free encyclopedia
L'isla de Re (fòrma lemosina) o isla de Rè[1] (fòrma sud-occitana, var. illa, inla, ièrla/gèrla, isola; en peitavin Ile de Rét, en francés Île de Ré) es una isla francesa situada dins l'ocean Atlantic, au large de las còstas aunisianas e vendeanas. Part de l'archipela charentesa, es la quatrena pus granda isla de França metropolitana, darrier la Corsega, l'isla d'Olairon e Bela-Isla. Autre-còp fasia partida integranta de la provincia d'Aunís, es aura atachada au departament de la Charanta Maritima e a la region Novela Aquitània. Dempuei lo mes de març 2015, ela forma un sol canton: lo canton de l'Isla de Re.