Bulandu
From Wikipedia, the free encyclopedia
Ing Bulandu, Bulan o Bugsuk, a Vitiligo king Ingles, metung yang pangmaluatan (chronic) a sakit a mágdalang pangalako ning kule da reng dake ning balat. Maliliari iti neng deng melanocyte, deng cell a mamie king kule ning balat a manibat king neural crest, mamamate la o e la gagana. Complicadu ing exactong sangkan ning bulandu, at e ra pa lubus a aintindian. Ating katibayan a tuturu king pamiabe-abe da reng sangkan a autoimmune, genetic o puli, ampong pangkapadurutan (environmental). Maralas ya muring mayayakit kareng taung ating diferencia king karelang thyroid. Kulang king metung a porciento ing pangapaliari na king king populasion king mabilug a yatu.[1] Mas makelatan ya ing non-segmental a bulandu kesa kareng aliwang uri ning sakit a iti.