Rex Stout
American writer / From Wikipedia, the free encyclopedia
I Rex Todhunter Stout (Diciembre 1, 1886 – Octubre 27, 1975) metung yang talasulat a Amerikanung mekilala king kayang detective fiction. Kilala yang dili i Stout antimong talapaglalang king matenakan a pikudtang detektib a i Nero Wolfe, a linarawan ning talapanyuring (reviewer) i Will Cuppy antimong "that Falstaff of detectives." [1] Sinulat no ning talasaup nang Wolfe, i Archie Goodwin, deng kasu ning henyong detektib manibat 1934 (Fer-de-Lance) anggang 1975 (A Family Affair).
Pinili re antimong Masanting Diling Seryeng Pangmisteryu ning Dilanwa/Siglu (Best Mystery Series of the Century) ing kabilugan da reng kasulatang Nero Wolfe (Nero Wolfe corpus) king Bouchercon 2000, ing pekamaragul a pamitipun king yatu dikil kareng misteryu o mystery, at i Rex Stout ing mepiling Manimunang Talasulat da reng Misteryu ning Dilanwa/Siglu o Best Mystery Writer of the Century.[2]