Catalog da geodatas da basa
From Wikipedia, the free encyclopedia
Il catalog da geodatas da basa é (en Svizra) ina glista en fuorma dad in catalog da tut las geodatas, ch'én decleradas per in legislatur (Confederaziun, chantun, vischnanca u auters) sco geodatas da basa, quai vul dir geodatas fundadas sin acts legislativs. Il catalog a l'intent da visualisar (e da ina survista) da tut las geodatas che sono decleradas u menziunadas en las leschas spezialas u auters relaschs dal legislatur, plinavant fa el l’attribuziun legala dad in servetsch cumpetent e la decleraziun d'auters attributs legals. Usualmain ils catalogs én publitgads els acts legislativs (en general en in'ordinaziun da pussanza executiva).
En Svizra, ils emprems catalogs da geodatas da basa én entrads en vigur il 1 da fanadur 2008, cumenzond cun la legislaziun federala. Quest catalog federala cuntegn actualmain 181[1] geodatas da basa, cumprais las infurmaziuns concernent lur basa legala suenter il dretg federala (acts legislativs publitgads en la collecziun sistematica dal dretg federala) e la determinaziune da servetschs cumpetents. 77 geodatas da basa suenter il dretg federala vegnin delegadas als chantuns (e/u a las vischnancas).
Suandant ulteriurs catalogs da geodatas da basa én legiferads al nivel chantunal, alura al nivel cuminal. Ils chantuns e las vischnancas catalogan inizialmain las geodatas da basa che lur én stadas delegadas par il legislatur superiur (per ils chantuns: las geodatas da basa suenter il dretg federal en cumpetenza chantunala; per las vischnancas: las geodatas da basa suenter il dretg federal e chantunal en cumpetenza cuminala). Plinavant las geodatas da basa fundadas sin acts da l'atgna legislaziun vengin agiuntas. Finalmain, ils catalogs da geodatas da basa da confederaziun, dals chantuns e da las vischnancas én ierarchicamain colliads.