Giorgio Napolitano
From Wikipedia, the free encyclopedia
Giorgio Napolitano (Napule, 29 sciùgne 1925 – Rome, 22 settèmmre 2023[1][2]) ha state 'nu politeche tagliàne , 11º Presidende d'a Repubbleche Tagliàne da 'u 15 màsce 2006 a 'u 14 scennàre 2015 e 'u prime d'a storie tagliàne a essere state elette pe 'nu seconde mandate.
In precedenze ha state presidende d'a Camere jndr'à l'XI legislature (subentrande jndr'à 'u 1992 a Oscar Luigi Scalfaro, salite a 'u Quirinale) e ministre de l'nderne jndr'à 'u guverne Prodi I, eppure deputate pressoché stabilmende da 'u 1953 a 'u 1996, europarlamendare da 'u 1989 a 'u 1992 e ppo angore da 'u 1999 a 'u 2004, e senatore a vite da 'u 2005 (nominate da Carlo Azeglio Ciampi) 'nzigne a 'a sò elezione a 'a prime careche d'a Repubbleche.
Ha state 'u prime cape d'u State a essere state membre d'u Partite Comuniste Tagliàne e 'u terze napuletane dope De Nicola e Leone. 'U 20 abbrìle 2013 ha state rielette a 'a presidenze, ca devenìe 'u prime presidende d'a Repubbleche tagliàne a essere elette pe 'nu seconde mandate,[3] otre ca 'u cchiù anziane a 'u momende de l'elezione jndr'à storie repubblecane. Da 'a soje rielezione, e 'nzigne a 'a fine d'u mandate, ha state pure 'u cchiù anziane cape de State d'Europe,[4] eppure 'u terze a 'u munne, precedute solamende da 'u presidende d'a Repubbleche d'u Zimbabwe Robert Mugabe e da re Abd Allah de l'Arabie Saudite.[5]
Cumme cape d'u State ave conferìe l'ncareche a cinque presidende d'u Consiglie de le ministre: Romano Prodi (2006-2008), Silvie Berlusconi (2008-2011), Mario Monti (2011-2013), Enrico Letta (2013-2014) e Matteo Renzi (2014-2016); cinque giudece d'a Corte costituzionale (Paolo Grossi jndr'à 'u 2009, Marta Cartabia jndr'à 'u 2011, Giuliano Amato jndr'à 'u 2013 e, 'nfin, Daria de Pretis e Nicolò Zanon jndr'à 'u 2014); cinque senature a vite ('u stesse Mario Monti 'u 9 novèmmre 2011, Renzo Piano, Carlo Rubbia, Elena Cattaneo e Claudio Abbado 'u 30 agúste 2013).
In quande presidente emerito della Repubblica, è stato di diritto senatore a vite da 'u 2015 alla morte.