Mëria
nëna e Jezusit / From Wikipedia, the free encyclopedia
Mëria në jug, Maria ose Mria në veri (aramisht מרים, Maryām, greq. Μαριαμ, Mariam, Μαρια, Maria; arab.: مريم Merjem) ka qenë një hebree galilease nga Nazareti, e shoqja e Jozefit dhe e ëma e Jezuit sipas ungjijve kanonikë dhe Kuranit.
Ky artikull nuk citon asnjë burim, prandaj mund të mos jetë i saktë. |
|
Ky artikull dyshohet se përmban hulumtim vetjak apo thënie të pacituara prandaj nuk mund të merret si i saktë. Ju lutemi ndihmoni edhe ju në përmirësimin e këtij artikulli. |
Në gjuhën shqipe dhe ndër të krishterët, Shën Mëria (ose Maria) njihet si Zonja e Bekuar. Ajo adhurohet si shenjtore nga Krishterimi. Prindërit e saj ishin Joakimi dhe Shën Ana (Mateu 1:18-20, Luka 1:35). Sipas ungjillit të Lukës, Maria ishte nje vajzë besimtare e virgjër, një ditë asaj ju shfaq kryengjëlli Gabriel, lajmëtari hyjnor i dërguar nga Perëndia, për t´i treguar asaj se do të lindte Birin e Zotit, përmes mrekullisë së Shpirtit të Shenjtë.
Maria ashtu si edhe biri i saj Krishti, janë figurat më të adhuruara në fenë e krishtere, veçanërisht në kishën katolike romake dhe në kishën ortodokse. Ajo nderohet shumë edhe te myslimanët.
Fusha e teologjisë krishtere, që merret me figurën e saj quhet mariologji. Festa e lindjes së Shën Marisë është 8 shtatori, dhe kremtohet nga kishat ortodokse, katolike, dhe anglikane. Kishat katolike dhe ortodokse festojnë edhe shumë ditë të tjera festive të Zonjës së Bekuar.