T.A.T.u.
From Wikipedia, the free encyclopedia
Tatu, stylowane kej t.A.T.u. (rus. Тату) — ruski duet muzyczny, we kerygo skłod wlazujům Julija Wołkowa a Jelena Katina, załůżony we 1999 roku uod Iwana Szapowałowa, kery gro muzyka pop, pop rock, techno, chillout, synth pop, electronic i dance-pop[2]
t.A.T.u. podczas wystynpu na gali wrynczyńo VIVA Comet 2008 we Polsce | |
Data zołożyńo | 1999 |
Data rozwjůnzańo | 2011 |
Pochodzyńe | Rusyjo (Moskwa) |
Gatůnek muzyczny | pop, pop rock, techno, chillout, synth pop, electronic, dance-pop[1] |
Wytwůrńa płytowo | Neformat, Universal, Interscope, T.A. Music, Soyuz Music, Misteriya Zvuka, Coqueiro Verde, Pelo Music |
Skłod | |
Terozki skłod | Jelena Katina Julija Wołkowa |
Galeryjo zdjyńć a grafik | |
Neczajta |
Skupina sztartła swoja mjyndzynarodowo karjera po wydańu debjutanckigo singla „Ja soszła s uma” (wersyjo angelsko: „All the Things She Said”), kero trefjůła na pjyrwsze place ńe ino ruskich, nale tyż śwjotowych list szlagrůw (m.in. we Australiji[3], Danii[3], Mjymcach[3], Irlandyji[3], Meksyku[3], Nowyj Zelandyji[3], Wjelgij Brytańiji[3] a tyż we Italiji[3]). Inksze śpjywki duetu, take kej „Nas nie dogoniat” (ang.: „Not Gonna Get Us”) czy „All About Us”, tyż dolazły na wysoke place notowań radyjowych. Skupina wydoła do kupy sześć albůmůw sztudyjnych, ze kerych trzi rusko- i trzi angelskogodkowe. Jeich debjutancke wydawnictwo - 200 po wstriecznoj (ang.: 200 km/h in the Wrong Lane) – zyskało uod International Federation of the Phonographic Industry sztatus platynowyj płyty we Ojropje za uzyskańy wyńiku przez milijůna przedanych egzymplorzy, dźynki czymu t.A.T.u. stoła śe pjyrwszům skupinům, kero erbła certyfikat za tyn som albům we dwůch roztomajtych wersyjach godkowych. Do kupy skupina przedała przez 15 milijůnůw sztuk płyt[3], a debjutancki uostoł nojchyntńyj kupowanym albůmem we ich cołkim dorobku.