بہاماس
From Wikipedia, the free encyclopedia
بہاماس (Bahamas) جسے سرکاری طور پر کامن ویلتھ آف دی بہاماس بھی کہا جاتا ہے، 27 بڑے جزائر، 661 چھوٹے جزائر اور 2,387 سمندری چٹانوں پر مشتمل ہے۔ یہ ملک کیوبا کے شمال میں بحر الکاہل کے کنارے واقع ہے۔ اس کے شمال مغرب میں امریکا واقع ہے۔ کل زمینی رقبہ 13,939 مربع کلومیٹر ہے اور کل آبادی کا تخمینہ 3,30,000 ہے۔ امریکی ڈالر (USD) بھی بہامین ڈالر (BSD) کے ساتھ بطور کرنسی استعمال ہوتا ہے۔ دار الحکومت نساؤ ہے۔
بہاماس | |
---|---|
پرچم | نشان |
شعار(انگریزی میں: Forward, Upward, Onward, Together) | |
ترانہ: | |
زمین و آبادی | |
متناسقات | 25°00′N 77°24′W [1] |
بلند مقام | |
پست مقام | |
رقبہ | |
دارالحکومت | نساؤ |
سرکاری زبان | انگریزی |
آبادی | |
حکمران | |
طرز حکمرانی | آئینی بادشاہت |
اعلی ترین منصب | چارلس سوم (8 ستمبر 2022–) |
قیام اور اقتدار | |
تاریخ | |
یوم تاسیس | 10 جولائی 1973 |
عمر کی حدبندیاں | |
شادی کی کم از کم عمر | |
دیگر اعداد و شمار | |
منطقۂ وقت | متناسق عالمی وقت−05:00 |
ٹریفک سمت | بائیں [2] |
ڈومین نیم | bs. |
سرکاری ویب سائٹ | باضابطہ ویب سائٹ |
آیزو 3166-1 الفا-2 | BS |
بین الاقوامی فون کوڈ | +1242 |
درستی - ترمیم |
بہاماس 1492ء میں کولمبس کی پہلی منزل تھی۔ 1513ء سے 1648ء تک غیر آباد رہا اور اس کے بعد برمودا میں موجود برطانویوں نے یہاں آباد ہونا شروع کر دیا۔
1718ء میں اسے برطانوی کالونی کا درجہ دے دیا گیا۔ امریکا کی جنگِ آزادی کے بعد ہزاروں کی تعداد میں تاجِ برطانیہ کے وفاداروں اور سیاہ فام غلاموں نے بہاماس کا رخ کیا اور آباد ہونے لگے۔ برطانوی سلطنت میں 1807ء میں غلاموں کی تجارت کو ختم کر دیا گیا۔ اس اعلان کے ساتھ ہی غلاموں سے بھرے برطانوی شاہی بحریہ کے جہازوں سے غلاموں کو آزاد کر دیا گیا۔ ان میں سے کچھ بہاماس میں بس گئے۔ 1834ء میں غلامی کو یکسر ختم کر دیا گیا اور انہی آزاد کردہ غلاموں کی اگلی نسلیں بہاماس میں آباد ہیں۔
فی کس آمدنی کے اعتبار سے شمالی امریکا میں بہاماس تیسرے نمبر پر امریکا اور کینیڈا کے بعد آتا ہے۔ اس کے علاوہ امریکا اور میکسیکو کی سرحد کے جنوب میں واقع امیر ترین ملک ہے۔ اس کے علاوہ سیاہ فام آبادی کی بھاری اکثریت والے ممالک میں سب سے زیادہ امیر ملک بہاماس ہی ہے۔