کردستان
ترکی، شام، عراق اور ایران میں منقسم مشرق وسطیٰ کی ایک قوم / From Wikipedia, the free encyclopedia
کردستان مشرق وسطی کے ایک جغرافیائی و ثقافتی خطے کا نام ہے جس میں کرد نسل کے باشندوں کی اکثریت ہے۔ کردستان شمالی اور شمال مغربی بین النہرین سے ملحقہ علاقے شامل ہیں۔ کردستان کے علاقے ترکی، شام اور عراق میں تقسیم شدہ ہیں۔ کردستان کا ایک بڑا حصہ ایران میں بھی واقع ہے، خاص طور پر مغربی اور شمال مغربی ایران میں۔ کردستان کے لوگ ننانوے فی صد مسلمان ہیں اور اسلام سے ان کی وابستگی بہت زیادہ ہے۔
کرد-آباد علاقہ جات | |
زبان | کردی |
---|---|
مقام | مغربی اور شمال مغربی ایرانی سطح مرتفع: بالائیبین النہرین, زاگروس, جنوب مشرقی اناطولیہ علاقہ, بشمول شمال مغربی علاقہ جات ایران،شمالی عراق، شمال مشرقی شام اور جنوب مشرقی ترکی[1] |
مشرقی کردستان | |
رقبہ (اندازہ) | 190,000–390,000 کلومیٹر² 74,000–151,000 مربع میل |
آبادی | 28 ملین (2014 تخمینہ)[2] |
ایران میں ایک صوبہ ہے جسے صوبہ کردستان کہتے ہیں۔ تین اور صوبے ہیں جن میں کردوں کی اکثریت ہے، یعنی: صوبہ آذربائیجان غربی، صوبہ کرمانشاہ اور صوبہ ایلام۔ صوبہ ہمدان اور صوبہ لورستان میں بھی کردوں کی خاصی آبادی ہے۔ اگرچہ کرد ایران کے تمام صوبوں میں پائے جاتے ہیں، شمالی خراسان صوبے میں نسبتاً کردوں کی اکثریت ہے۔
اگرچہ مغربی آذربائیجان اور کردستان صوبوں میں کردوں کی اکثریت سنی مسلمان ہیں، لیکن کرمانشاہ، ایلام، لورستان اور خراسان شمالی میں کردوں کی اکثریت شیعہ اسلام کے پیروکار ہیں۔