Knattspyrnufélagið Víðir
From Wikipedia, the free encyclopedia
Knattspyrnufélagið Víðir er íslenskt knattspyrnufélag frá Garði á Suðurnesjum. Félagið var stofnað 11. maí 1936. Víðir leikur í bláum búningum og spilar heimaleiki sína á Nesfisk-velli. Meistaraflokkur karla leikur eins og er í 3. deild. Besti árangur Víðis í deildakeppni er 7. sæti í efstu deild karla árið 1986, en félagið lék í efstu deild frá 1985-1987 og aftur 1991. Víðir lék til úrslita í Bikarkeppni KSÍ árið 1987 á Laugardalsvelli en tapaði gegn Fram.
Víðir varð árið 2008 fyrst íslenskra liða til þess að taka þátt í Evrópukeppninni í Futsal. Liðið vann sér inn þátttökurétt á mótinu eftir að hafa spilað til úrslita gegn Val um íslandsmeistaratitilinn í innanhúsknattspyrnu. Valur vann leikinn og hlaut þar með þátttökuréttinn en gat ekki tekið þátt og því féll það í skaut Víðis að fara á mótið fyrir Íslands hönd.