Pages (iWork)
From Wikipedia, the free encyclopedia
Pages is ’n woordverwerkings- en bladuitlegtoepassing wat deur Apple ontwikkel is. Dit vorm deel van die iWork-kantoorpakket en werk op die Mac OS X en iOS bedryfstelsels.[1] Die eerste weergawe van Pages is op 11 Januarie 2005 aangekondig en is ’n maand later vrygestel.[2] Die mees onlangse weergawe, Pages 4, is op 6 Januarie 2009 bekendgestel as ’n onderafdeling van iWork ’09.[3] Op 27 Januarie 2012 het Apple ’n nuwe weergawe van Pages bekendgestel vir die iPad met ’n splinternuwe aanrakingskoppelvlak.[4] Op 31 Mei 2011 het Apple die iOS-weergawe opgedateer na 1.4 en het universele tweeledigheid ingebou sodat die toep op iPad, iPhone en iPod Touch-toestelle kan werk.[5] Op 12 Oktober 2011 het Apple die iOS-weergawe weer opgedateer na 1.5 met die toevoeging van iCloud se “Dokumente in die Wolk” (Documents in the Cloud) kenmerk.
Pages | |
Ontwikkelaar | Apple Inc. |
---|---|
Nuutste weergawe | 5.6.1/ 11 November 2015; 8 jaar gelede (2015-11-11) |
Bedryfstelsel | OS X |
Kategorie | Woordverwerking/Bladuitleg |
Lisensie | Eiendomsprogrammatuur |
Webblad | Pages |
Pages vir iOS | |
Ontwikkelaar | Apple Inc. |
---|---|
Nuutste weergawe | 2.6/ 15 Oktober 2015; 8 jaar gelede (2015-10-15) |
Bedryfstelsel | iOS |
Kategorie | Woordverwerking/Bladuitleg |
Lisensie | Eiendomsprogrammatuur |
Webblad | Pages vir iOS |
Pages word deur Apple bemark as ’n maklik gebruikbare toepassing wat gebruikers in staat stel om vinnig dokumente op hul persoonlike rekenaars op te stel.[6] ’n Aantal Apple-ontwerpte sjablone bestaande uit verskillende temas (soos briewe, CV’s, plakkate en uiteensettings) word ingesluit met Pages.[2] Talle van die sjablone wat in weergawe 4.3 beskikbaar was is verwyder uit weergawe 5.0.