مصطفى كامل
From Wikipedia, the free encyclopedia
مصطفى كامل ( القاهره ، 14 اغسطس 1874 - القاهره ، 10 فبراير 1908 ) ، سياسى و خطيب و ثاير وطنى مصرى. اتولد فى القاهره و ابوه " على محمد " كان ظابط وطنى فى الجيش المصرى دخل تلت مدارس ابتدائى و بعدين دخل المدرسه الخديويه الثانويه و اسس فيها جماعه ادبيه وطنيه وجرّب الخطابه و بعد ما خلص الثانوى دخل مدرسة الحقوق سنة 1891 و اتمكن من الفرنساوى و انضم لجمعتين وطنيتين ، و اتعرف على شخصيات وطنيه وادبيه زى اسماعيل صبرى و خليل مطران و بشاره تقلا صاحب جورنال الاهرام وفى سنة 1893 سافر فرنسا عشان يدرس الحقوق و دخل مدرسة الحقوق فى " تولوز "، واتخرج منها و لما رجع مصر رفض انه يشتغل فى وظيفه حكوميه عشان يقدر يتفرغ لقضية استقلال مصر و عشان ما يبقاش خاضع لسلطات الاحتلال الانجليزى. بعته الخديوى عباس حلمى التانى فرنسا و اوروبا سنة 1895 عشان يعرض القضيه المصريه و احتلال الانجليز لمصر و مهاجمة سياسة افلن بيرنج كرومر المندوب السامى البريطانى فى مصر. طاف فى عواصم اوروبا لعرض قضية استقلال مصر و نشر فى الجرانيل الفرنساويه مقالات بتندد باحتلال الانجليز لمصر و سافر انجلترا و ندد بمدبحة دنشواى اللى ارتكبها الانجليز فى مصر. كان رأيه ان أهم قضيه مصريه فى وقته هى جلاء الاحتلال البريطانى عن مصر و ان موضوعات تانيه زى الحياه البرلمانيه و علاقة مصر مع تركيا و غيرها ممكن تتأجل لغاية خروج الانجليز من مصر.
| ||||
---|---|---|---|---|
معلومات شخصيه | ||||
الميلاد | 14 اغسطس 1874 [1][2][3] | |||
الوفاة | 10 فبراير 1908 (34 سنة)[1][2][3] | |||
سبب الوفاة | سل | |||
مواطنه | امبراطوريه عثمانيه مصر | |||
الحياه العمليه | ||||
المدرسه الام | جامعة الازهر جامعة تولوز | |||
المهنه | سياسى ، وصحفى ، وكاتب ، ومحامى | |||
الحزب | حزب الوطن | |||
اللغات المحكيه او المكتوبه | عربى [5]، ولغه فرنساوى | |||
اتأثر بـ | جمال الدين الافغانى | |||
تعديل مصدري - تعديل |